05. சாவித்ரி

சாவித்ரி

P.81 His being towered into pathless heights.

அவனது ஜீவன் கோபுரமாக வளர்ந்தது.

• மனித காய வஸ்த்ரமிழந்த நிர்வாணம்.
• துணியுடுத்தாத தூய்மையில் அவனைச் சந்திக்க விழைந்து,
• பலமான பவித்ரம் பாய்ந்து இறங்கியது. எரியும் நெருப்பு, எடுப்பான வலிமை.
• மரணமிலாப் பார்வையில் அரைகுறையாக எழும் அழகின் அற்புதம்.
• கடுமையான இனிமை, வலியெழும் பூரிப்பு.
• பெருவலிமையின் பேராதரவு சூழ்ந்தது.
• மனமும், உணர்வும், இதயமும் ஊடுருவப்பட்டன.
• உச்சஸ்தாயின் புல்லரிப்பு தாங்க முடியாத மயக்கம்.
• புலப்படாத பிடியில் சுபாவம் சுருண்டு துவண்டது.
• மரணத்தைவிடச் சிறிய, காலத்தைவிட நீண்ட தருணம்.
• அன்பைவிடக் கடுமையான சக்தி, மோட்சத்தைவிட ஆனந்தம் தருவது.
• அனந்தனின் ஆதரவு, அரசனின் அரவணைப்பு.
• பூரண ஆனந்தம் வலை வீசிப் பிடித்து, கசக்கிப் பிழிந்தது.
• ஆனந்த சக்தியின் சூறாவளிச் சூழல்.
• கற்பனையைக் கடந்த ஆழத்தை அவசரமாக எட்டியது.
• கணக்கிலடங்கா உயரத்திற்குத் தூக்கிப் பிடித்தது.
• மரணப் பிடியினின்று அதைக் கிழித்தெடுத்தது.
• கரை கடந்த மாறுதல் கணக்கிலடங்காப் புதுமை.
• பார்வையும், எண்ணமுமற்ற சர்வ ஞானம் சித்தி பெற்றது.
• உலகை உட்கொள்ளும் புதிரான ரூபம்.
• ஒரு மனித இதயம் அதன் பாசமான பாசறை.
• தனிமையில் வாடுபவனை இழுத்துப்போட்டது.
• இறைவனின் அரவணைப்பில் இழுத்துப்போட்டது.
• காலத்தைக் கடந்த பார்வை நேரத்தைக் கரைக்கிறது.
• செயலையும், கருவியையும் சேர்த்து அழிக்கிறது.
• அகன்று, தூய்மையாய், வெற்றிடமாக ஆத்மா மிளிர்ந்தது.
• விழிப்புற்ற மனம் வெற்றுப் பலகை.
• வெற்றுப் பலகையில் பிரபஞ்சமும், பிரம்மமும் எழுதலாம்.
• அஞ்ஞானத்திலமிழ்ந்த நம் ஜீவியம் அழித்தெடுத்த பாங்கு.
• பாரம் நீங்க மறந்த சுமை.
• கடந்த சிறுமைகளை உணவாக உட்கொண்டது.
• தெய்வ உடலென்ற கனல்.
• புதிய பிறவியின் பெருவாழ்வுக்குரிய பேரவை.
• உணர்ச்சியின் உரிமையை உடைத்த காலத்தைக் கடந்தது.

******