05. நெஞ்சுக்குரிய நினைவுகள்

நெஞ்சுக்குரிய நினைவுகள்

யோகத்தைப்பற்றிய பொதுவான கருத்துகள்

கர்மயோகி

• யோகத்தின் சிறப்பை வாழ்வில் தெரிவிப்பது யோகமடித்தது என்ற சொல்.
  வாழ்வில் யோகம் அதிர்ஷ்டம் என்பது வழக்கு.
• தவம், யோகம் என்ற இரு சொற்கள் குறிக்கும் வாழ்வின் அம்சம் மோட்சத்தை நாடுவது.
• நிஷ்டை, தியானம், சமாதியில் முடிவது தவம்.
  தவம் என்பது கடுந்தவம் என்று அறியப்படும்.
  தவம் அக்னியாகும்.
  ஆத்மா தழலாக எழும் அக்னி தவம்.
  புலன் அவிந்து அழிவது கடும் தவம்.
  சூடு போட்டாலும் தெரியாத நிலை சமாதி.
• நிர்விகல்ப சமாதி முடிவான சமாதி.
• மனிதரில் சிரேஷ்டமானவர் செய்வது தவம்.
• ஹட யோகம், லய யோகம், கர்ம யோகம், பக்தி யோகம், மந்திர யோகம், தந்திர யோகம், ஞான யோகம் எனப் பலவகை யோகமுண்டு,
• ஆசனம், பிராணாயாமம், மந்திரம், ஜபம், தியானம், நிஷ்டை, விரதம் ஆகியவை கருவிகள்.
• பூரண யோகத்தில் சமர்ப்பணம் மட்டுமே தத்துவம்.
• சமர்ப்பணம் தவிர வேறு எதுவும் இங்குப் பயன்படுத்துவது இல்லை.
• ஹட யோகம் உடலைக் கருவியாகக் கொண்டது
  கர்மயோகம் பிராணனைக் கருவியாகக் கொண்டது.
  ஞான யோகம் எண்ணத்தைக் கருவியாக்கியது.
  ராஜ யோகம் முழுமனத்தையும் கருவியாக்கும்
• பூரண யோகம் உடல், பிராணன், மனம், ஆத்மா அனைத்தையும் கருவியாக்கும்.
• துறவிக்குத் தவம், அது துறவறம்.
• அவனுக்கு உடல் எதிரி, பெண் விலக்கு, வாழ்வு துறக்கப்பட வேண்டியது.
• புலன் அவிந்து அழிந்தால் மனம் அலைபாயாது. அது முதல் நிலை மௌனம்.
• சிந்தனை அழிவது அடுத்த நிலை மௌனம்.
• மௌனம் பெற்றவர் முனி.
• முனிவர் துர்வாசர், அவதாரப்புருஷனான கிருஷ்ண பரமாத்மாவுக்கு வரம் அளித்தார்.
• மௌன விரதம் சக்திவாய்ந்தது. முனிவர் கோபப்பட்டால் சபிப்பார்.
  அவருடைய கோபமான பார்வை அவர்மீது எச்சமிட்ட கொக்கை எரித்தது.
  கணவனுக்குப் பணிவிடை செய்யும் கற்புக்கரசிக்கு முனிவர் மனத்திலுள்ள எண்ணம் தெரியும். கொக்குபோல் அவர் கோபத்திற்கு அவள் ஆளாகமாட்டாள்.
• நளாயினியின் கற்பு காலத்தைக் கட்டுப்படுத்திற்று.
• அனுசுயாவின் கற்பு திரிமூர்த்திகளைக் குழந்தைகளாக்கியது.
• சாவித்ரியின் கற்பு எமனிடமிருந்து சத்தியவானை மீட்டது.
  பகவான் ஸ்ரீ அரவிந்தருடைய சாவித்ரி எமனை அழித்து, இருள்மயமான காலனை ஒளிமயமாக்கி, உலகில் மரணத்திற்கு மரணம் கொண்டு வந்தாள்.
• பகவத் கீதையின் யோகம் ராஜ யோகத்தைவிடப் பெரியது.
  பகவத் கீதையின் கருவி சரணாகதி, ஜீவாத்மா பரமாத்மாவுக்குச் சரணடைய வேண்டும்.
  சகல தர்மங்களையும் சரணம் செய்தால் கிருஷ்ண பரமாத்மா மோட்சம் அளிக்கிறார்.
• பகவான் அலிப்பூர் சிறையில் கிருஷ்ணனை வணங்கினார்.
• விஸ்வரூப தரிசனம் பெற்றபின் கிருஷ்ணாவதாரத்தைக் கடந்து விட்டார்.
  அர்ஜுனன் கண்ட விஸ்வரூப தரிசனம் இரண்டு. 1) உலகம் நன்மையாலானது. 2) உலகம் கோரமானது.
• பகவான் பெற்ற விஸ்வரூப தரிசனம் அவையிரண்டையும் கடந்த சத்திய ஜீவிய தரிசனம். அதில் கோரம் திருவுருமாறி அழிந்து விட்டது.
• விவேகானந்தர் கனவில் வந்து பகவானுக்கு சத்திய ஜீவியத்தைக் காட்டினார்.
  அதன் சித்தி விஸ்வரூப தரிசனம்.
• சத்திய ஜீவியத்தை எப்படி அடைவது என விவேகானந்தர் கூறவில்லை.
• யோகம் முதிர்ந்து உடல் ஜோதிமயமாக, சின்மய தேகமாக ஆகலாம் என வேதமும், வைஷ்ணவமும் கூறுகிறது.
• அன்னை பகவானைச் சந்தித்த பொழுது கீதையின் யோகத்தை முடித்து விட்டார்.
• பகவானுக்கு சத்தியஜீவியம் உடலில் சித்திக்க அன்னை சிவபெருமானையும், கிருஷ்ணனையும் அவருடலில் வரச் சொன்னார். சிவன் மறுத்து விட்டார். கிருஷ்ணா பகவானுள் வந்தார். அன்னை அதை பகவானிடம் கூறிய பொழுது கடவுள்களால் எனது யோகம் சுருங்குவதை நான் விரும்பவில்லை என பகவான் பதிலளித்தார்.
• ஜீவாத்மாவை அடைவது மோட்சம். முதற் சித்தி.
• ஜீவாத்மா பரமாத்மாவில் கரைவது பெரிய சித்தி.
• பரமாத்மா பிரம்மத்துள் நுழைவது அதனினும் பெரியது. திரும்பி வருவது எளிதல்ல.
• நுழைந்த ஆத்மா மேலும் உள்ளே சென்றால் திரும்ப வருவது அவதாரப்புருஷனால் மட்டுமே முடியும்.
• பிரம்மத்தின் மையத்தை ஆத்மா அடைந்தால் ஆத்மா கரைந்து விடும். ஐக்கியமாகும். திரும்ப வரலாம் என்ற பேச்சில்லை.
• பூரண யோகத்தில் ஜீவாத்மா பரமாத்மாவை எட்டித் தொட்டு பரமாத்மாவாகி பிரம்மத்துள் நுழையாமல் ஆத்மாவை பிரபஞ்ச ஆத்மாவாக்கி, - புருஷனாக்கி - அதை பிரம்மத்திற்கு உரிய ஈஸ்வரனாக்கும். அந்நிலையில் உலகம் அற்புதமாகும். நோய், மரணம், மூப்பு, இருள், திருவுருமாறி அழியும்.

*******

*******