05. பூரணயோகம் - முதல் வாயில்கள்

பூரணயோகம் - முதல் வாயில்கள்

(சென்ற இதழின் தொடர்ச்சி.....)

கர்மயோகி

52. செயல்படத் தயாராக நிற்கும் பொறுமை ஒன்றை மற்றதாகக் கருதுவது

• செயல்படுத்தத் தயாரான நிலையும், பொறுமையும் உடன் வாரா.
• பொறுமை செயலற்ற நிலை, செயலைக் கைவிட்ட நிலை.
• இரண்டும் சேர்ந்த நிலை அறிவுக்கெட்டாதது, ஆத்மாவுக்குப் புலப்படும்.
• Silent will மௌன சக்தியை உதாரணமாகச் சொல்லலாம்.
• மௌனம் பேச்சுக்கு எதிரிடையானது.
• மௌனம், மௌனமாகப் பேசுகிறது.
• அதன் சாதனை பெரியது.
• நம்பிக்கையும் பகுத்தறிவும் எதிரானவை.
• சக்தியும், அன்பும் எதிரானவை.
• எதிரானவை இணைந்து உடன்பாடாக இருப்பது பூரணயோக நிலை.
• வக்கீல் ஒரு கட்சி பேசுபவர்.
• எதிர்க்கட்சிக்கு எதிரானவர்.
• ஜட்ஜ் இரண்டு கட்சிக்கும் சாதகமானவர்.
• இரண்டு கட்சிக்கும் எதிரானவர்.
• சாதகமாகவும், எதிராகவும் இரண்டு கட்சிகளையும் ஏற்பதால் அவர் இரு வக்கீல்களைவிட உயர்ந்த நிலையில் ஜட்ஜாக இருக்கிறார்.
• வாழ்க்கையில் ஒத்து வராதது, ஒத்துப்போவது யோகம்.
• எதிரானவை இணைவதால், அதிக சக்தி எழுகிறது.
• காலம் நகர்ந்தபடியிருக்கும்.
• நகராதது காலமில்லை.
• நகராத காலம், காலமாகச் செயல்படுவது அற்புதம் நிகழும் நிலை.
• ஒரு திறன் எந்த நேரமும் செயல்படத் தயாராகப் பின்னணியிலிருப்பது பெரும் திறன்.
• நமக்குள்ள பெருந்திறன்கள் அனைத்தும் அப்படிப்பட்டவை.
• வட இந்தியாவுக்குப் போய் தங்கினால் தமிழ் பேசும் சந்தர்ப்பமில்லை.
• தமிழரைச் சந்தித்தால் உடனே பிரவாகமாகத் தமிழ் வரும்.
• நீச்சலடிக்கத் தெரிந்தால் அத்திறன் பின்னணியிலுள்ளது.
• தண்ணீரில் இறங்கினால் தானே நீச்சல் திறன் வெளிவரும்.
• ஆன்மா விழிப்பாக இருந்து பின்னணியிலிருப்பது யோகம்.
• அதே க்ஷணம் முடிக்கும் திறன், யுகாந்த காலப் பொறுமையுடனிருப்பது யோக நிலை என்கிறார் பகவான்.
• செயல்பட அவசரப்பட்டால், திறமை பூரணம் பெறவில்லை என்றாகும்.
• காதலுக்காக காத்திருக்கும் நெஞ்சம் அது போன்ற பொறுமையுடையது.
• தனக்கென்று உரியவர் வரும்வரை அது சலனமின்றி தன் கடமைகளைச் செய்யும்.
• நேரம் வந்தால் எரிமலையாக எதிர்கொள்ளும்.
• 5 ஆண்டில் 6 பேருடன் பழகும் இளைஞர்கள் காதலை நாடுவது இலவு காத்த கிளியாக முடியும்.  
• பெரும் இலட்சியங்களை நாடுபவர் ஆயுள் முழுவதும் காத்திருப்பர்.
• கணவன் கைவிட்ட மனைவி 20 ஆண்டு அவன் திரும்பி வரப் பொறுத்திருந்து சாதித்ததுண்டு.
• மனைவியின் அன்புக்காக வாழ்நாள் முழுவதும் தனக்கு ஏமாற்றம் ஏற்பட்டது என அவளறியாமல் பொறுமையாகக் காத்திருந்து நேரம் வந்து புதியன பூத்த பின் மலரும் மனித இதயமும் உண்டு.
• இலட்சம் பிறவி காத்திருக்கக்கூடிய பக்தனுக்கு உடனே மோட்சம் கிடைத்தது.

தொடரும்.....

*******

*******