05. தமிழ்நாட்டுப் பழமொழிகளும் ஸ்ரீ அரவிந்தமும்

தமிழ்நாட்டுப் பழமொழிகளும் ஸ்ரீ அரவிந்தமும்

(சென்ற இதழின் தொடர்ச்சி....)

கர்மயோகி

176. கொண்டு வந்தாலும் வராவிட்டாலும் தாய்.
     • எது இல்லையென்றாலும், அன்னையில்லாமல் இருக்காது.
177. சாஸ்திரம் பொய்யானால் சந்திர கிரகணத்தைப் பார்.
     • அன்னையின் மெய்யை அறிய அருகிலுள்ளதைக் கவனி.
178. ஆடிப்பட்டம் தேடி விதை.
     • அன்னை நினைவு எந்த நேரத்தையும் சுபமுகூர்த்தமாக்கும்.
179. எருது வருத்தம் காக்கையறியாது.
     • எருதின் வருத்தத்தைப் போக்க வந்த காக்கை.
180. ஏறச் சொன்னால் எருதுக்குக் கஷ்டம்,
     இறங்கச் சொன்னால் முடவனுக்குக் கஷ்டம்.
     • ஏறச் சொல்லும் எருதும், இறங்க விரும்பும் முடவனும்.

தொடரும்....

******

******