05. சாவித்ரி
"சாவித்ரி"
P.100 An atavism of higher births is hers
உயர்ந்த பிறப்பின் உயிரோட்டமான சுபாவம்
- அழிந்த நினைவுகள் ஆழ்ந்த நித்திரையைக் கலைத்தன.
- இழந்த லோகங்களை அழைத்தெழுந்தன.
- மார்பகம் மறக்காத சக்திகள் அசைந்தன.
- வளரும் பெருவிதியின் வளமான உறவுகள்,
- அழியாத வாழ்வை அடைந்தன மீண்டும்.
- பிறப்பையும் இறப்பையும் பிரித்தெடுக்க இசைந்தன.
- முழுமையின் மின்னலைப் பெற்றுச் செயல்படும்,
- கபோதியின் உழைப்பு கடுமையிழந்து அமைதியுற,
- மலையிலெடுத்த சிறுகல்என்ற பிம்பம்,
- அமைதியான ஜோதியின் அரவணைப்பின் அகம்,
- ஆண்டவன் ஏற்ற அலுவல்; குருட்டுப் பார்வைக்குரிய கலங்கரை விளக்கம்.
- உலகையாள எடுத்து வைத்த சிறுஅடி,
- முடவனின் முயற்சி, அரைகுறையான வேலை, அனைத்துலக வாழ்வு,
- மறைந்த மகிமையை மாற்றும் ஐயங்கள்.
- உயர்ந்த இலட்சியங்களை உற்று நோக்காத ஆரம்பம்,
- பெருமையின் ஆரம்பம் பெற்ற பேற்றின் நடுக்கம்,
- விவரமற்ற விஷயம் விறுவிறுப்பாக சந்தித்து,
- ஆயிரம் வண்ணங்கள் அழிந்தெழும் ஐக்கியம்,
- அறிவைக் கேலி செய்யும் கலைஞனின் களிப்பு,
- இறைவனின் இதயம் எட்டிப் பார்க்கும் எழில்,
- ஞானத்தின் தெளிவை ஞாபகப்படுத்தும் யுக்தி.
- பல லோகங்கள் பங்கு கொள்ளும் சித்திரத்தின் திரை,
- தெய்வம் தந்த பளிங்கு யோகம் தந்த யந்திரம்.
- இயற்கையின் அஞ்ஞானத்திரையின்பின் மலர்ந்த மனம்,
- பரந்த ஜடத்தின் இடம் நிரப்பிய பார்வையுள்ள பரப்பு.
- லேசான கீறலான ஆத்மா நெளிந்து நகரும் வண்ணம்,
- காலத்தின் பின்னணிக்குரிய நிலைபெற்ற கால்கள்.
- அனந்தம் சுருங்கிய அழகின் பிரகாசம்,
- உலகை உட்கொள்ளும் கடுகெனும் கற்கள்,
- பிரபஞ்ச புதிரின் விளக்கமான பாதை.
- அவலமான அடித்தளம் ஆரம்பமாக நடந்தது.
- சூன்யம், இரகஸ்யமான முழுமையின் துவாரமான வாயில்,
- அனந்தம் அழிந்தெழுந்த பூஜ்யத்தின் திரள்,
- முழுமையும், முழுஅழிவும் ஒன்றென எழுந்த பாங்கு,
- என்றும் இல்லையெனும் இல்லாத ஆடை.
******
- Login to post comments