10. பிரார்த்தனையின் கட்டங்கள்

பிரார்த்தனையின் கட்டங்கள்

கர்மயோகி

பிரார்த்தனை பலிக்கும், பலன் தரும், கேட்ட பலனைத் தரும், அதிகமாகவும் தரும், கேட்காததையும் தரும். இவை ஆதாயமான பலன்கள். இது நாம் பொதுவாகப் பெறுவது. கல்கத்தாவில் புது காலனியில் 230 வீடுகள் உள்ள இடத்தில் புதியதாகக் குடி வந்தவர், அன்று மாலை, அந்த டவுன்ஷிப்பில் எந்த வீட்டிலும் தண்ணீர் வரவில்லை, அவர்கள் வீட்டில் மட்டும் எப்படி வந்தது என ஆச்சரியமாக அறிந்தார். அவர் பிரார்த்தனை செய்யாமல் பெற்ற பலனிது. இதுபோன்ற அனுபவம் ஏற்படும்பொழுது நாம் சந்தோஷப்படுகிறோம். அன்னையை அதிகமாகப் புரிந்து ஏற்றுக் கொள்கிறோம். இதற்குமேல் நாம் செய்யக் கூடியவை பல உண்டு. அவை,

இக்கட்டங்களையெட்ட நாம் உள்ளே போக வேண்டும். உள்ளே போவது பலிக்கும் நிலை மௌனத்தால் மனம் பெறும் அமைதியால், தானே தியானம் வரும் தகுதியால், பெரு ஆன்மீக நிலை சிதறாமல் நீடிக்கும் நேரத்தால், எரிச்சல் எழாததால், எரிச்சல் வரவேண்டிய நேரம் இனிமை எழுவதால், கடந்த கால துரோகங்களின் உறுத்தல் குறைந்து மறைவதால், மன்னிக்கக் கூடிய குற்றங்கள் அளவிலும் தரத்திலும் பெருகுவதால், இடைவிடாத அன்னை நினைவு தானே எழுந்து, ஆழ்ந்து, இனித்து, நீடிப்பதால் தெரியும்.

இவ்வளவு முறைகளுள்ளபொழுது, ஏன் எவரும் எதுவும் செய்யவில்லை என்ற கேள்வி எழுகிறது. அப்படியானால், அது எவராலும் முடியாததோ என்று தோன்றுகிறது.

இரண்டுமில்லை, இதுவே மனித சுபாவம்

என்பதே பதில். மனிதன் தன்னால் முடிந்ததைச் செய்ய மாட்டான். குறைந்த பட்சம் போதும் என்ற அளவிலேயே செய்வான் என்பதால் பகவான்

இடையில் முயற்சியைக் கைவிடாதே  

என்றார். நம் அனுபவத்தில் கண்டதே முடிவு என்று மனம் நினைக்கும்; அறிவு அதைக் கடந்து சந்திக்கும் எனத் தோன்றாது. பிரார்த்தனை பலித்தபின் செய்வதற்கு என்ன உண்டு என்பது பொதுவான கொள்கை. இந்த 16 கட்டங்களும் பிரார்த்தனை பலித்த பிறகே செய்யக் கூடியவை. எடுத்துச் சொல்லும்பொழுது, இப்படியெல்லாம் முடியும் என நான் கருதவில்லை என்பார்கள். மற்றவர்கள், தெரியாததில்லை, செய்வதில்லை என்பார்கள். வேறு சிலர், செய்து பலனைக் கண்டபின், இப்படிப் பலிக்கும் எனக் கருதியதில்லை என்பர். புதிய முறையை ஏற்றபின் பழைய பாணியில் செயல்பட்டால், பழைய பலனே வரும் என்று அறிவதில்லை. புதிய முறை என்றவுடன் பலன் பலமடங்கு எதிர்பார்ப்பார்கள். இந்த 16 கட்டங்களும் அடுத்தடுத்த கட்டங்களில்லை, அடுத்தடுத்த லோகங்கள். சம்பளம் பெறுபவன் சுயதொழில் ஆரம்பித்தால் பலன் அதிகம் எனக் கூற முடியாது. ஒன்றை மற்றதுடன் ஒப்பிட முடியாது. அதிகாரி அரசியல்வாதியாவது புதிய பாதை திறப்பது. பூஜை, நிஷ்டை ஆத்மாவுக்குச் செய்வது. அவை வாழ்வில் பலிப்பது அவசியம் என்று உணருவதில்லை. ஒன்று படிக்காதவன் வாழ்வு, அடுத்தது படிப்பை முழுவதும் முடித்தவன் வாழ்வு. நம்மூரில் பட்டம் பெறுவதும், அதே பட்டத்தை அமெரிக்காவில் பெறுவதற்கும் உள்ள வித்தியாசம் சில இடங்களில் உண்டு. ஒரு கட்டத்தில் யோகம் உடல் மாற வேண்டும் எனக் கூறுகிறது. அதுபோல் இம்முறைகளில் சில கட்டங்களில் கடைசிக் கட்ட ஊழியனுக்குத் தலைமை அதிகாரியின் படிப்பும், அனுபவமும் தேவைப்படுவது போலிருக்கும். கட்டங்களைக் கடக்கும்பொழுது, மாட்டு வண்டியிலிருந்து ரயிலுக்கும், அங்கிருந்து விமானத்திற்கும் மாறும் நிலை உள்ளது என அறிவோம்.

எலிசபெத், விக்காமை மணக்க முயன்று தவறிவிட்டாள். முடிவில் டார்சியை மணந்தாள். விக்காம் வருமானம் £300. அவன் நிலையில்லாதவன், தறுதலை, சூதாடி, கடன்காரன். டார்சி உயர்ந்த குணமுள்ளவன். £10,000 வருமானமுள்ளவன். ஒரு முறைக்கும், அடுத்த முறைக்கும் அந்த அளவு வேறுபாடுண்டு. உள்ளூர் ஹோட்டலுக்கும், 5 நட்சத்திர ஹோட்டலுக்கும் உள்ள வித்தியாசம் மற்ற இடங்களில் உண்டு. புதுக்கோட்டை மகாராஜாவுக்கும், மைசூர் மகாராஜாவுக்கும் உள்ள வித்தியாசமுள்ள நிலைகள் பல. பங்களாதேஷ் ஐ. நா. வில் உறுப்பினர். பிரான்சும் உறுப்பினர். ஆனால் வேற்றுமை அதிகம். ஜப்பான் பெரிய நாடு. அதன் பணம் யென் (Yen) எனப்படும். அமெரிக்காவின் பணம் டாலர். ஒரு டாலருக்கு 110 Yen சமம். இரண்டும் பணமாகும். பஞ்சந்யத்து தலைவருக்கும், ஜனாதிபதிக்கும் உள்ள வேறுபாடு மற்ற இடங்களிலுண்டு.

• நாம் அறியாதவை ஏராளம்.
• நாம் அறிந்து செய்யாதவை ஏராளம்.
• இக்கட்டங்கள் என்ன என்பதைச் செய்து பலன் பெறும் வரை அறிய முடியாது.
• செய்து, பலன் பெற்றுப் பாராட்டிய பின்னும் தொடர்ந்து செய்யத் தோன்றாது.
• அன்னையின் அருளை முழுமையாக அறிவது இயலாது.

********