03. சாவித்ரி

சாவித்ரி

Page 157: Waking and sleep lay locked in mutual arms

விழிப்பும் தூக்கமும் கட்டியணைத்த கருணை

• ஆனந்தமும், வலியும் விவரமில்லாமல் வேறு வழியில்லாமல் வந்தன
• பிரபஞ்ச ஆத்மா @லசாக எழுந்து உடலில் புல்லரித்து நடுங்கிற்று
• அழ முடியாமல், அசையவும் முடியாமல் வாழ்வின் வலிமை எழுந்தது
• ஆழ்ந்த ஆனந்தம் அழகாகப் பாடிப் பரிமளித்தது
• பண்பு எழுப்பும் பவித்திரமான உணர்வைச் சொல்ல முடியவில்லை
• நம்மையறியாத உலகின் இதயம் இன்பமாகத் துடிக்கிறது
• மந்திர மயக்கத்துள் மறைந்தெழுந்து அசைகிறது
• புரியாத நிலையற்ற புல்லரிப்பு, தடுமாறிப் போகும் தாளம்
• மறைந்த நெற்றிக்கண்ணின் மங்கிய மறை பொருள்
• சிறு குழவி தன்னையறிந்து வளர்ந்தது, ஜனனம் பிறந்தது
• தெய்வம் விழித்தது, கனவில் லயித்தது
• தாளிட்ட கதவுகள் திறக்க மறுத்தன
• பார்க்கும் ஊனக் கண்ணுக்குப் பார்வையற்ற நிலை ஏற்பட்டு
• உருவமும், செயலும் உணர்த்தின. சிறைப்பட்ட தெய்வம் மறைந்தது
• வளரும் திறனின் சூட்சும சக்தியுள், அதன் நாடியில் வாழ்வு ஒளிந்தது
• ஜீவியம் பெற்ற ஒடுங்கிய ஊமைப் புலனின் தாள வரிசை
• எண்ணத்தை அறிய முடியாத அடங்கிய மனம்
• ஆத்மா வாழ்வை ஜடமாக ஏற்றது
• குரலெழுப்ப முடியவில்லை, அசைய அச்சப்பட்டது
• உலகின் சக்தி உள்ளே ஓடியது, உயிருள்ள சக்தி உணர்ச்சியாயிற்று
• காலை மண்ணில் ஊன்றி கடுமையாகப் பற்றியது
• தென்றலென எழுந்த சக்திக் கதிர்களின் ஊமை அதிர்ச்சி புல்லரித்தது
• அணைக்கும் ஆசையென அன்பாகப் பற்றின
• சூரிய ஜோதிக்கு ஏங்கும் வலிமையின் எழில்
• மூச்சும், உயிரும் தழுவும் இனிமையை உணர முடியவில்லை
• அழகும், வண்ணமும் பொருந்திய சத்தியம் கனவாக வந்து, கவர்ந்து மறைந்தது
• முடிவாக, மந்திரக் கட்டுண்ட மாபெரும் மலை எட்டிப் பார்த்தது
• அசைந்து, அதிர்ந்து, ஆசைப்பட்டு அது மனத்தைத் தேடியது
• அதன்பின் புலப்பட்டது புலன், எண்ணம் எட்டிப் பார்த்தது
• மறுக்கும் அச்சை ஏற்கப் பணித்தது
• மந்திரமாயம் செதுக்கப்பட்ட ரூபத்தின் விழிப்பு
• சமாதியிலிழந்த ஜீவன் சுருதி கூட்டிச் சட்டென எழுந்தது
• ஒளிமயமான அலையின் அசைவு மூளையையும், நரம்பையும் சுண்டியிழுத்தது
• ஆன்மாவின் அடையாளம் ஜடத்தில் விழித்தது
• உடலின் அற்புதம் ஜோதியாக எழுந்தது

*******