06. லைப் டிவைன் - கருத்து
லைப் டிவைன் - கருத்து
P.39 It is so free that it is not even bound by its liberty
பிரம்மத்தின் சுதந்திரம் பூரணமானது. அதன் சுதந்திரத்திற்கும் கட்டுப்பட்டதல்ல
- மனிதன் சட்டத்திற்குக் கட்டுப்பட்டவன்.
- வக்கீல் கட்சிக்காரனை விட சட்டத்திற்கு அதிகமாகக் கட்டுப்பட்டவன்.
- ஜட்ஜ் தான் அமல்படுத்தும் சட்டத்திற்குக் கட்சிக்காரனை விட, வக்கீலை விட அதிகமாகக் கட்டுப்பட்டவர். முழுமையாகவும் கட்டுப்பட்டவர். அது மனித நிலை.
- சீனுவாச ராமானுஜம் மேதை.
- மேதாவிலாசம் தெய்வாம்சமுடையது.
- தெய்வாம்சம் மனித நிலைக்கு, மனித சட்டத்திற்குட்படாது.
- ராமானுஜம் இன்டர்மீடியட் பாஸ் செய்யவில்லை, பட்டம் பெறவில்லை.
- மேதையைப் பட்டம் கட்டுப்படுத்தாது.
- அவரைக் கேம்பிரிட்ஜுக்கு அழைத்தனர்.
- பி.ஏ. பட்டம் கொடுத்தனர்.
- சென்னை சர்வ கலாசாலை இன்டர்மீடியட் பட்டம் தர மறுத்தபின் கேம்பிரிட்ஜில் பி.ஏ. வழங்கினர்.
- பிறகு எம்.ஏ.யும் வழங்கினர்.
- இன்று வரை அவர் எழுதியதைப் புரிந்து கொள்ள எவராலும் முடியவில்லை.
- அவர் மேதாவிலாசம் உலக ஞானத்தைக் கடந்தது.
- அவருக்கு டாக்டர் பட்டம் வழங்கவில்லை.
- அவர் பெற்ற எம்.ஏ. பட்டம் அவர் ஞானத்தைக் கட்டுப்படுத்தாது.
- பெற்ற எம்.ஏ. பட்டத்தாலோ, பெறாத டாக்டர் பட்டத்தாலோ அவர் மேதாவிலாசம் கட்டுப்படாது.
- டாக்டர் பட்டம் பெற்றால்தான் அவர் ஞானத்தை உலகம் ஏற்கும் என்பதில்லை.
- அவர் ஞானம் எல்லாப் பட்டங்களையும் கடந்தது.
- யாருக்குமில்லாத சுதந்திரம் பிரம்மத்திற்கு உண்டு.
- அந்தச் சுதந்திரத்தையும் இழக்கும் சுதந்திரமும் பிரம்மத்திற்குண்டு.
- அந்தச் சுதந்திரத்தாலும் பிரம்மம் கட்டுப்படாது.
- இதுவரை எவரும் பிரம்மத்தை இதுபோல் வர்ணித்ததில்லை.
- இந்த விளக்கத்தால் பகவான் சத்திய ஜீவியம் உலகை சிருஷ்டித்தது எனக் கூற முடிந்தது.
- அனந்தம் என்றால் முடிவற்றது என்று பொருள். முடிவற்றது தன்னை ஒரு முடிவுக்குள் கட்டுப்படுத்த முடிவு செய்தால் அதுவும் அதற்கு முடிவு.
- முடிவற்றது என்பதால் எந்த முடிவுக்குள்ளும் தன்னைக் கட்டுப்படுத்திக் கொள்ளும் முடிவும் அதற்குண்டு என்று பகவான் கூறுகிறார்.
*******
- Login to post comments