09. சாவித்ரி

"சாவித்ரி"

P.9. In a mystical barrage of dynamic Light

      செயலெனும் ஒளி புதிரான தடை

• பெரிய, உயர்ந்த, வளைவான உலகமெனும் குன்றைக் கண்டான்,
• மலையேறும் தெய்வரதமாக நிமிர்ந்து நின்றது.
• விளங்காத வானம் அசைவின்றி அமைந்தது.
• ஜடமெனும் மாளிகையின் விளிம்பில் ஒளிந்துள்ள பீடம்,
• கண் மறைவான சிகரம், கடலென விரியும் உலகச் சிற்பம்,
• நுரைத்தெழும் கடலலை புருஷனை நோக்கி உயர்ந்தது,
• அளவிலா பரப்பில் அசைந்தெழுந்து உயர்ந்தன,
• விவரிக்கவொண்ணாத ராஜ்யத்தை நோக்கித் துள்ளி எழுந்தது,
• அறிய முடியாத அனந்த பிரம்மத்தை நூறு படிகளால் கடந்தது,
• பிடிபடாத உச்சியைக் கோபுரமாகத் தாண்டியது,
• பிரம்மாண்டமான மூச்சற்ற பரப்பில் நுழைந்து, மறைந்தது.
• கோயில் கோபுரம் படிப்படியாக ஏறும் சுவர்க்கம்,
• பக்தியால் எழும் ஆத்மாவின் சிற்பம்,
• காண முடியாததைக் காண விழையும் கனவு.
• அனந்தம் அழைக்கிறது; ஆத்ம எழுச்சி கனவிலாழ்கிறது,
• உலகமெனும் மலையுச்சியை உயரும் கட்டடம் தொடும்.
• விவரமான சிருஷ்டி ஆனந்தம் தரும்.
• குரலழிந்த அமைதியின் பெருமையுள் கிளர்தெழுந்தது,
• திரைமறைவிலுள்ள காலமழியும் புதிரை புவனம் மணந்தது.
• ஏகன் ஏற்கும் ஏகப்பட்ட முறைகள்,
• மூலத்தையடையும் முறையைக் காட்டும்.  
• இயற்கையின் ஆழத்துள் நெடுநாளாய் இழந்த பிரம்மம்,
• பூமியில் முளைத்து அனைத்துலகையும் அணைத்துப் பிடித்தது.
• பெரியதின் சிறிய சுருக்கம்,
• ஜீவனின் இலட்சியத்திற்கு இதுவே ஒரே படிக்கட்டு.
• ஆத்மாவின் அளவுகட்குரிய சுருக்கம்,
• பிரபஞ்ச நிர்வாகத்தின் பிழையற்ற பிரதி,
• ஆத்ம சூழலில் ஏற்பட்ட இரகஸ்ய மறுபதிப்பு.
• பிரபஞ்சத்தின் சூட்சும அமைப்பு,
• உள்ளேயும், மேலேயும், ஆழத்திலும், மேலும் உள்ளது.
• இயற்கையின் தெளிவு புலப்படும் செயல்,
• மண்ணெனும் ஜடத்தின் மந்தமான உறக்கம் கலைகிறது.
• சிந்தித்து, உணர்ந்து, குதூகலித்து,
• தெய்வத்தை நம்முள் சிறப்பாக அமைத்து,
• மனித மனத்தை விசாலமான சூழலுக்கு உயர்த்திற்று.

******